Internauta: topaches coas páxinas da Troita Armada, a proba de que neste mundo globalizado aínda quedan papeantes que resisten a invasión.
Quedas convidado@ a papar connosco, e a celebralo cun arroto colectivo.
Pero iso si, que non se che ocorra cuspir no aceite para comprobar que está quente!

A Troita dispón dunha Santa Compaña Armada, que en vésperas do día de Defuntos percorre os composteláns bares do Franco e da Raíña.

Trátase dunha santa compaña ilustrada -que reflexiona sobre o acontecido nos últimos doce meses-, pero tamén vidente -que anticipa o que ha de vir-: xa no 1.999 vaticinamos, ante o escepticismo e desdén do mesmo Fraga, a tolemia das nosas vacas.

Alá eles !. Os de acolá saben de cousas que os de acá non están en condicións de entender.